ՄԱԿ-ի՝ Փախստականների հարցերով գերագույն հանձնակատարի գրասենյակը հայտարարել է դերասան Բեն Սթիլերին ՄԱԿ-ի բարի կամքի դեսպանի կոչմանն արժանացնելու մասին՝ գրում է gazeta.ru-ն:
ՄԱԿ-ի այդ որոշումը հայտնի է դարձել Սթիլերի՝ Գվատեմալա կատարած այցից հետո, որտեղ նա հանդիպել էր Կենտրոնական Ամերիկայից եկած փախստականների հետ, որոնք ստիպված են եղել լքել իրենց տները բռնության պատճառով:
Նրանք պատմել են այն մասին, թե ինչպես են տուժել հանցավոր խմբավորումների գործողություններից՝ սպանություններ, բռնաբարություններ, առևանգում:
Սթիլերի խոսքով՝ ինքը հպարտ է իր նոր կոչումով և կփորձի օգնել փախստականներին պաշտպանություն և ապաստան գտնելու հարցում: «Ավելի քան 68 միլիոն մարդ աշխարհում ստիպված է լքել իր տունը: Երբեք աշխարհը այնքան շատ մեր համերաշխության ու օգնության կարիքը չի ունեցել, որքան հիմա»,- ասել է դերասանը:
