Այսօր Կենտրոնական զինվորական հավաքակայանից մեկնարկեց ամառային զորակոչը։ Նորակոչիկները շատ բարձր տրամադրություն ունեին։ մեզ հետ զրույցում նրանք բոլորը նշեցին, որ ցանկանում են ծառայությունն անցկացնել Արցախում։
Նորակոչիկները, նոր կարգի համաձայն, զինվորական համազգեստը ստանում են արդեն անմիջապես հավաքակայանից։ Բոլորը հագել էին, գոհ էին։ Մեկին մի քիչ նոր կոշիկն էր հարում, բայց չդժգոհեց։ Ասաց՝ կանցնի, դժվարությունը զինվորի համար է։
Նորակոչիկներին զարմացրել էր հատկապես հավաքակայանում տրամադրվող սնունդը, որը, խոհարարների խոսքով նույնն է, ինչ բանակում։ «Զինվորական սնունդի մասին մեր պատկերացումները ուրիշ են եղել, բայց սա շատ համեղ է։ Ինչից փորձում ենք, համով է։ Եթե բանակում էլ էսպես լինի, էլ բողոք չենք ունենա»,-ասացին նորակոչիկները։
Առավել մանրամասն՝ տեսանյութում
