ՀՀ արդարադատության խորհուրդը որոշել է առաջարկել ՀՀ նախագահին դադարեցնել Երևանի Արաբկիր և Քանաքեռ-Զեյթուն վարչական շրջանների դատարանի դատավոր Գարիկ Ավագյանի լիազորությունները՝ իր դիմումի համաձայն: Այս մասին «Փաստինֆո»-ին հայտնել է ՀՀ դատական դեպարտամենտի միջազգային համագործակցության և հասարակայնության հետ կապերի ծառայության պետ Արսեն Բաբայանը: Այս պահի դրությամբ ՀՀ նախագահ Սերժ Սարգսյանը դեռևս համապատասխան հրամանագիր չի ստորագրել:
«Փաստինֆո»-ի տեղեկություններով` Գ.Ավագյանը նշանակվելու է ՀՀ գլխավոր դատախազության Կոռուպցիոն ու տնտեսական հանցագործությունների գործերով վարչության պետ և արդեն իսկ օրվա կեսն անց է կացնում ապագա աշխատավայրում:
Մանրամասները՝ «Փաստինֆո»-ում
