ՀԱԿ վարչության անդամ, ազատամարտիկ Վարդան Մալխասյանի խոսքերով՝ նյութապաշտությունը Մանվել Գրիգորյանին գցել է կեղտի ու ճահճի մեջ։ «Այս արարքը բացահայտեց քրեաօլիգարխիկ գողապետության ողջ էությունը։ Սրանք այս երկիրը կողոպտել են՝ ով ինչքան ու ինչպես կարող է»,- «Առաջին լրատվական»-ի հետ զրույցում ասաց Մալխասյանը։
Մեր զրուցակիցը բացառում է, որ այդ ամենը տեղի ունենար առանց ավելի վերջին օղակների իմացության․«Սա այն ամբողջ բացահայտածի փշրանքն էր»։
Վարդան Մալխասյանի խոսքերով՝ երկրապահների մեջ կան ազնիվ մարդիկ, որոնք երբեք չեն գայթակղվել ու նյութապաշտ չեն դարձել։ «Ինչ ծառայություն ուզում ես ունեցիր, եթե վերջում սրիկայություն ես արել, պետք է հեռանաս։ Օրինակ՝ Աշտարակում մարդիկ կան, որոնց պապերը 37 թվականին սրիկայություն են արել՝ մարդիկ կան, որ հիշում են ու ասում՝ սրա պապի պապը սրիկա է եղել, նրա թոռները վախենում են հայտարարեն՝ ով է եղել իրենց պապը։ Հիմա Մանվելն ու ծախված երկրապահը իրենք իրենց են դատել, իրենց սերունդները, երեխաներն ու թոռները ամաչելու են հասարակության մեջ ասեն՝ ում թոռն են նրանք։ Մանվել Գրիգորյանն իր պատիժն արդեն տվել է»,- եզրափակեց նա։
Հարցազրույցն ամբողջությամբ՝ տեսանյութում։
