Իրանական հրթիռները տեղակայված են ողջ երկրով մեկ և միշտ պատրաստ են արձակման՝ ասել է Իսլամական հեղափոխության պահակազորի հրամանատար, գեներալ-մայոր Մուհամմադ Ալի Ջաֆարին՝ փոխանցում է Fars գործակալությունը:
Նրա խոսքով՝ Իրանի հակահրթիռային հզորությունը հանդիսանում է երկրի դեմ սպառնալիքների զսպման հնարավորություններից մեկը:
«Իրանը հատուկ մեթոդ է կիրառում իր հրթիռների մարտունակության պահպանման համար: Թշնամին չի կարող վնաս հասցնել Իրանի հակահրթիռային հզորությանը նույնիսկ հազարավոր ռումբերով»,- հավելել է Ջաֆարին:
Նա նաև հավելել է, որ պահակազորի սպառազինության կազմի անօդաչու թռչող սարքերը զինված են ռումբերով, ինչպես նաև կառավարվող հրթիռներով:
Նոր՝ RQ-170 անօդաչուի արտադրական գործընթացը կավարտվի մոտ ժամանակներս՝ ասել է Ջաֆարին:
Հաղորդվում է, որ վերջին շրջանում Իրանը մեծ հաջողությունների է հասել պաշտպանության և ռազմական տեխնիկայի արտադրության ոլորտներում:
