ՀԱՀ նախկին նախագահ Նելսոն Մանդելայի մարմինն այսօր Յոհանեսբուրգից տեղափոխվել է ՀԱՀ մայրաքաղաք Պրետորիա, որտեղ հրաժեշտի միջոցառումներ կանցկացվեն: Այս մասին հայտնում է Reuters գործակալությունը:
ՀԱՀ դրոշով փաթաթված դագաղը քաղաքով շրջել են մոտոցիկլավարների ուղեկցությամբ: Հազարավոր բնակիչներ տեղավորվել են փողոցների երկայնքով՝ հարգանքի վերջին տուրքը մատուցելու երկրի հանգուցյալ առաջնորդին: Ավտոշարասյան շարժման երթուղու վրա գտնվող փողոցները փակվել են: Փակ են նաև այդ փողոցներում գտնվող խանութները:
Մանդելայի մարմնով դագաղը հրաժեշտի համար կտեղադրվի Պրետորիայում կառավարության շենքում՝ Union Buildings-ում: Հենց այնտեղ 1996 թվականի մայիսի 10-ին տեղի է ունեցել Մանդելայի երդմնակալությունը: Առաջին օրը Մանդելային կարող են հրաժեշտ տալ նախկին նախագահի բարձրաստիճան ընկերները, ինչպես նաև համաշխարհային հայտնի դեմքերը: Դրանից հետո երկու օրվա ընթացքում նստավայրը բաց կլինի շարքային քաղաքացիների համար:
Հուղարկավորությունը տեղի կունենա դեկտեմբերի 15-ին նրա հայրենի Կունու գյուղում: