Երեկ Բելառուսի նախագահ Ալեքսանդր Լուկաշենկոն անցկացրել է հանրապետական խորհրդակցություն՝ կապված շինարարական ոլորտի զարգացման հարցերի հետ, և այն համեմատել է ԽՄԿԿ Կենտկոմի պլենումների հետ: Լուկաշենկոն խոստացել է պարբերաբար անցկացնել նման ֆորումներ: Փորձագետները համարում են, որ Բելառուսի իշխանությունները իրենց այս ցանկությամբ ստեղծում են հաջողության պատրանք՝ առանց հաջողության, և տնտեսական ձախողումների պատասխանատվությունը բոլորի միջև բաժանելու ցանկություն:
«Պետության ղեկավարն այսօրվա միջոցառումը համարել է նշանավոր իրադարձություն և խոստովանել, որ դա նրան հիշեցնում է խորհրդային ժամանակների Կոմկուսի կենտրոնական կոմիտեի պլենումը, երբ բոլոր շրջաններից հավաքվում էին ղեկավարները և քննարկում, համատեղ լուծում էին հասարակական կյանքի կարևոր հարցերը»,-հաղորդում է պետական ԲԵԼՏԱ գործակալությունը:
Լուկաշենկոն կարծում է, որ դրանք պետք է իրականացնել նույն հաճախականությամբ, ինչ պլենումները՝ կես տարին մեկ անգամ: Բելառուսի նախագահն ասել է, որ իր նախագահական գործունեության մոտ 20 տարվա ընթացքում այդպես էլ չկարողացավ «ավելի լավ ձևաչափ մշակել նախագահի և երկրի ղեկավար կադրերի միջև շփման համար», քան ժամանակին դա արել էր Կոմկուսը:
