Ռամադանի վերջին ուրբաթ օրը, հունիսի 8-ին, իրանում զանգվածային ակցիաներ են տեղի ունենում՝ նվիրված այսպես կոչված «Ալ–Քուդսի օրվան» («Երուսաղեմի օր»), որի մասնակիցները կոչ են անում ոչնչացնել Իսրայելը և «ազատագրել» սուրբ քաղաքը։
Իրանի պետական հեռուստաընկերությունը հաղորդում է, որ միայն Թեհրանում «Ալ–Քուդսի օրվան» նվիրված երթին տասնյակ հազարավոր մարդիկ են մասնակցել։
Իրանի մշակույթի նախարար Սաիդ Աբաս Սալեհին, հավաքի ժամանակ ելույթ ունենալով, հայտարարել է, որ իրանցիները «պայքարում են Իսրայել անունով մեծ ստի դեմ»։
«Երուսաղեմը ժողովուրդների կեղեքման խորհրդանիշն է հանդիսանում, որոնք 70 տարիների ընթացքում դիմանում են պատերազմներին, անազատությանը և վշտին»,– հայտարարել է Սալեհին։
Ակցիայի մասնակիցները ոտնատակ են արել և վառել են Իսրայելի և ԱՄՆ դրոշները։
