Գերմանիայի կանցլեր Անգելա Մերկելը բունդեսթագում հայտարարել է, որ ներկա պահին հնարավորություն չկա, որ Ռուսաստանը միանա G7 ձևաչափին: Այս մասին հայտնում է ռուսական РИА Новости պարբերականը:
Մերկելն ընդգծել է, որ «Մեծ ութնյակի» մասնակիցների փոխհամագործակցությունը հիմնվում է միջազգային իրավունքի նորմերի պահպանության վրա:
«Ղրիմի միակցումը միջազգային իրավունքի կոպիտ խախտում էր, այդ իսկ պատճառով Ռուսաստանի բացառումը G8 ձևաչափից անխուսափելի էր», – նշել է Գերմանիայի կանցլերը:
Միևնույն ժամանակ նա հայտնել է, որ Մոսկվայի և Բեռլինի միջև փոխհամագործակցությունը G7-ի գծով պահպանվելու է:
2014 թվականին Ղրիմում տեղի ունեցած իրադարձությունների ֆոնին G8-ի մասնակիցները որոշում էին կայացրել չմեկնել Սոչիում անցկացվելիք հերթական գագաթնաժողովին՝ այն անցկացնելով Բրյուսելում՝ առանց Ռուսաստանի մասնակցության:
Այդպիսով, «Մեծ ութնյակի» ձևաչափը կրճատվեց՝ դառնալով «Մեծ յոթնյակ», որի կազմում այժմ ընդգրկված են Գերմանիան, ԱՄՆ-ը, Կանադան, Ճապոնիան, Ֆրանսիան, Մեծ Բրիտանիան և Իտալիան:
