«Հայաստանի Հանրապետական կուսակցություն» խմբակցությունից որոշ գործիչներ դուրս են գալիս պետական ապարատի ոչ համաչափ և ռեպրեսիվ հնարավոր գործողությունների պատճառով»,-այսօր Ազգային ժողովում լրագրողների հետ զրույցում ասաց ՀՀԿ խմբակցության պատգամավոր Արմեն Աշոտյանը։
«Ակնհայտ է, որ այս գործընթացները նաև գործադիր իշխանությունում եղած իշխանափոխության տրամաբանական շարունակությունն են, և խորհրդարանն ավելի համահունչ է դառնում հասարակության քաղաքական տրամադրություններին, այն առումով, որ գումարային որոշիչ ձայներ այլևս ՀՀԿ-ինը չեն»,- ընդգծեց Արմեն Աշոտյանը։
