ԱԻՄ առաջնորդ Պարույր Հայրիկյանի խոսքերով՝ եթե Ազգային ժողովն ընդունի Փաշինյանի ծրագիրը՝ կնշանակի, որ ժողովուրդը ձախողվեց. «Կնշանակի, որ Նիկոլ Փաշինյանի նախնական ծրագիրը ձախողվեց։ Ես փաստերով եմ խոսում, մինչև հիմա Նիկոլ Փաշինյանը հանրությանը չի նախապատրաստել, որ իր առաջարկած նախնական ծրագիրը կարող է և չանցնել, այսինքն՝ ՀՀԿ-ականները կարող է կողմ քվեարկեն։ Հիմա մենք մեր հակառակորդների բերանը լեզու ենք դնելու, որ խոսքը գործ չէ»,- «Առաջին լրատվական»-ի հետ զրույցում ասաց նա՝ շեշտելով, որ Փաշինյանի նախնական ծրագիրն այն է եղել, որ ԱԺ-ն չընդունի իր առաջարկած ծրագիրը և խորհրդարանը ցրվի, անցկացվեն արտահերթ խորհրդարանական ընտրություններ։
Հայրիկյանը շարունակում է. «Ժամանակավոր կառավարություն կարող էր լինել այն դեպքում, երբ հեղափոխական գործընթացներ իրականացվեին, չեղարկվեր այս Սահմանադրությունը, կունենայինք հին Սահմանադրությամբ ընտրված նախագահ, նոր խորհրդարանական ընտրություններ։ Խոսեցինք հեղափոխության մասին, ունեցանք չգիտեմ՝ ինչ, այդ չգիտեմ ինչի արդյունքում մենք վաղը ձախողվելու ենք»,-եզրափակեց նա։
Հարցազրույցն ամբողջությամբ՝ տեսանյութում։
