Այն բանից հետո երբ արքայազն Հարին ամուսնացավ Մեգան Մարքլի հետ, ամուրի–ազնվականների երկրպագուհիները տխրեցին։ Իհարկե դա կարճ տևեց. ցանկալի փեսացուներ կան նաև Եվրոպայի այլ թագավորական տներում։ Ահա երիտասարդ արքայազններից մեկը, ում սիրտը դեռևս ազատ է. Նիկոլայ, Դանիական արքայազն։
Չնայած, որ նա ընդամենը 18 տարեկան է, նրան հարկ է դիմել «Նորին Գերազանցություն Դանիայի արքայազն Նիկոլայ Ուիլյամ Ալեքսանդր Ֆրեդերիկ կոմս Մոնպեզա»։ Երիտասարդը դանիական Մարգարետ II թագուհու ավագ թոռն է և արքայազն Յոհակիմի և կոմսուհի Ալեքսանդրայի որդին։
Անսովոր արտաքինը նա ժառանգել է մորից. Ալեքսանդրան ծնվել է Հոնկոնգում, նրա երակներում անգլիական, չինական և ավստրիական արյուն է հոսում։
Արքայազն Նիկոլայը եղբոր՝ արքայազն Ֆելիքսի և մոր՝ կոմսուհի Ալեքսանդրայի հետ
Այս տարվա փետրվարին կանաչ աչքերով արքայազնը պայմանագիր է կնքել Scoop Models մոդելային գործակալության հետ։ Վերջերս տղան նկարվել է Dust ամսագրի շապիկի համար։ Չնայած մոդելային գործը տղային մեծ ապագա է խոստանում, նա պարտավոր է լավ կրթություն ստանալ։ Այժմ արքայազնը սովորում է Կոպենհագենից 50կմ հեռավորության վրա գտնվող Herlufsholm փակ դպրոցում։
