Ամերիկյան ռեժիսոր Բրայան դե Պալման հայտարարել է, որ աշխատում է սարսափ ֆիլմի սցենարի վրա, որը հիմնված է հոլիվուդյան պրոդյուսեր Հարվի Վայնշթայնի գործի վրա։ Այս մասին հաղորդում է Le Parisien պարբերականը։
«Իմ հերոսի անունը Հարվի Վայնշթայն չի լինելու։ Բայց դա սարսափ ֆիլմ է լինելու սեքսուալ մոլագարի մասին, և դա տեղի է ունենալու կինոարդյաւնաբերությունում»,– ասել է դե Պալման։
Նրա խոսքերով՝ ներկայումս նա քննարկում է ֆիլմը մի ֆրանսիական պրոդյուսերի հետ։
Հարվի Վայնշթայնին մեղադրում են ավելի քան 70 կանանց նկատմամբ իրականացված սեռական ոտնձգությունների մեջ։ Մայիսի 25-ին պրոդյուսերն ինքնակամ ոստիկանություն է ներկայացել և հենց նույն օրը բաց է թողնվել՝ 1 միլիոն դոլար գրավի դիմաց։ Դատարանը նրան մեղադրանք է առաջադրել բռնաբարության համար, սակայն նա իր մեղքը չի ընդունել։
