Առաջին լրատվականի զրուցակիցն է քաղաքագետ Արմեն Բաղդասարյանը։
–Պարոն Բաղդասարյան, ի՞նչ եք կարծում առաջիկա արտահերթ ընտրություններին Նիկոլ Փաշինյանը կգնա համաժողովրդական ցուցակով, ինչպես առաջարկել է Ժառանգություն կուսակցության առաջնորդ Րաֆֆի Հովհաննիսյանը։
-Կարծում եմ՝ այդ ձևակերպումը մի քիչ տարօրինակ է։ Ես կարծում եմ՝ այդ առաջարկի ենթատեքստը պարզ է։ Րաֆֆի Հովհաննիսյանը չի ցանկանում դուրս մնալ քաղաքական գործընթացներից և իրեն առաջարկում է նոր իշխանություններին։ Ուրիշ բան, որ իսկապես ցանկալի կլինի Ելք դաշինքը կամ ՔՊ-ն ընտրություններին մասնակցի մի քիչ ավելի լայն համագործակցությամբ, որովհետև լուրջ պայքար է լինելու և միանշանակ չէ, որ հեշտությամբ կստանա 50, 60 կամ 80 տոկոս ձայն։
–Քաղաքական ուժերի որոշումն ինչպիսին կլինի։
-Նրանք բնականաբար պետք է փորձեն առավելագույնս շատ ձայներ հավաքել և իրենց պքահել քաղաքական դաշտում։ Իսկ նոր իշխանությունների խնդիրն ինձ թվում է պետք է լինի ոչ միայն ընտրություններում հաջողության հասնելն ու մեծամասնություն ստանալը, այլև ստեղծել այնպիսի քաղաքական մթնոլորտ, որ ունենան նորմալ ընդդիմություն։
Հարցազրույցն ամբողջությամբ՝ տեսանյութում
