Մարտի է ելել ԱԱԾ-ն: Վերջին օրերի աղմկահարույց ստուգումներն ավելի շատ նման են պետական ռեկետի բացահայտումների, որտեղ անզեն աչքով երևում է արտոնյալ օլիգարխի հանցավոր համաձայնությունը նախկին իշխանության հետ: Այն, ինչ տեղի է ունենում այս օրերին, կարելի է ասել՝ նախերգանքն է մեծ համերգի: Եվ եթե մյուսները չներկայանան մեղայականով և չխոստովանեն իրենց հասցրած վնասի ծավալները, ապա ԱԱԾ-ն պարտավոր է գնալ շղթայի ամբողջ երկայնքով:
Թեմայի շուրջ «Առաջին լրատվական»- ի հետ քննարկման ժամանակ անդրադառնալով հարցին, թե նոր իշխանությունների ձեռնարկած քայլերը տեսարաններ ունենալու նպատա՞կ են հետապնդում, թե՞ գործ ունենք օբյեկտիվ իրականության հետ, Հայաստանի գործատուների միության նախագահ Գագիկ Մարգարյանը նշեց. «Գործ ունենք ռեալ իրականության հետ: Տարբեր առիթներով Նիկոլ Փաշինյանը զգուշացրեց՝ ավելի լավ է դուք հաշվարկեք և վճարեք այն գումարները, որոնք պետք է վճարած լինեիք, և այնուհետև զգուշացրեց, որ եթե այդպես չանեն, ուժային մարմինների կողմից հակազդեցություններ կլինեն:
Փաստորեն օլիգարխները, մոնոպոլիաները ծնվել են նախկին իշխանությունների ժամանակ և առաջացել են պետական մարմինների ու պետական պաշտոնյաների աջակցությամբ, որոնք նունպես ցանկություն են ունեցել հարստանալու, այսինքն՝ համատեղ ցանկություններով, համատեղ համակարգն օգտագործելով:
Պետական ռեկետ ասվածը եղել է պետական պաշտոնյաների աջակցությամբ և մասնակցությամբ, այսինքն՝ գոյություն ունի ինտեգրված մեխանիզմ… Նա նաև ընդգծեց, որ հիմա օլիգարխները, այդ թվում նաև Սամվել Ալեքսանյանը, զրկվել են տանքիքից, մնացել են միայնակ են՝ քաղաքական նոր համակրգի առջև»:
«Ժառանգություն» կուսակցուփթյան փոխնախագահ Սուսաննա Մուրադյանը նշեց, որ օլիգարխների գործունեության ընթացքում մարդիկ օգտագործվել են, երբեմն առանց տեղյակ լինելու, նրանց փաստաթղթերն օգտագործվել են, բայց չպետք է նրանց պատասխանատվության ենթարկել: Նա նաև ընդգծեց, որ «խոշոր ձկներին» պետք է համոզել, որ ինքնակամ վերադարձնեն գոնե վերջին 5-6 տարիներին հասցրած վնասը, և գուցե սիրո և համերաշխության կառավարությունը ներում շնորհի նրանց: Քննարկման մասնակիցներն ընդգծեցին, որ հանցագործ կլանը սերտաճել էր պետության հետ:
Քաղավիացիայի գլխավոր վարչության նախկին պետ Շահեն Պետրոսյանն ընդգծեց, որ Ռոբերտ Քոչարյանը և Սերժ Սարգսյանը ապականել են երկիրը. Էս երկրի հերն իրենք սկսեցին անիծել, և իրենք են երկուսով բոլորի համար տանիք եղել: Եթե նոր, երիտասարդ կառավարությունը արմատական փոփոխությունների գնա, մենք ամեն ինչով կաջակցենք, և նրանք գնում են այդ փոփոխություններին»:
Մանրամասն՝ տեսանյութում:
