Օմանը հանդես է գալիս Պարսից ծոցի 6 երկրների միության ստեղծման դեմ, որը պետք է փոխարինի Պարսից ծոցի արաբական երկրների համագործակցության խորհրդին, հայտարարել է երկրի արտգործնախարար Յուսեֆ բան Ալաուի բեն Աբդալլան, հայտնում է «Սինհուա» գործակալությունը:
Նրա խոսքով՝ Օմանը չի աջակցում միության ստեղծմանը ու «չի դառնա դրա մաս», եթե Պարսից ծոցի արաբական երկրների համագործակցության խորհրդի անդամները որոշում կայացնեն դրա ձևավորման համար:
Պարսից ծոցի արաբական երկրների համագործակցության խորհրդի անդամներ են Սաուդյան Արաբիան, Կատարը, Քուվեյթը, ԱՄԷ-ն, Բահրեյնն ու Օմանը:
Սաուդյան Արաբիայի թագավոր Աբդալլա բեն Աբդել Ազիզ ալ Սաուդը 2011թ. առաջ քաշեց համագործակցության խորհուրդը միության վերածելու նախաձեռնությունը: Նման առաջարկը հավանության արժանացավ Բահրեյնի, Կատարի ու ԱՄԷ-ի կողմից:
Օմանը առաջին անգամ է պաշտոնապես հայտարարություն արել այդ նախաձեռնության վերաբերյալ:
