Ժիրայր Սեֆիլյանի և նրա ընկերների աջակցության համար այսօր կազմակերպվել է բողոքի ցույց և երթ՝ ի նշան բողոքի, որ դատարան չեն ներկայացվել Ժիրայր Սեֆիլյանը և նրա ընկերները: Նրանց դատարան չներկայացնելու պատճառը համարվել է ոստիկանության տեխնիկական խնդիրը: Թորոս Սեֆիլյանը՝ Ժիրայր Սեֆիլյանի եղբայրը, այս քայլը համարել է սաբոտաժ Փաշինյանի դեմ: «Առաջին լրատվական»- ի հետ զրույցում Թորոս Սեֆիլյանը նշեց, որ ինքն ունի մտավախություններ:
«Սիրո և համերաշխության հեղափոխությունը դեռ ավարտը չստացած, ժողովրդի առաջնորդ Նիկոլ Փաշինյանը դարձավ վարչապետ: Բայց շատ ավելի հեշտ կլիներ, եթե փողոցի ցասումը, պայքարը 15-20 օրով երկարաձգվեր, այդ դեպքում շատ խնդիրներից ձերբազատված կլինեինք»,- նշեց Թ. Սեֆիլյանը հավելելով, որ մտահոգված է, քանի որ հեղափոխությունից հետո դեռևս գործում են նախկին իշխանությունները: Նրա խոսքով՝ դատավորները հրահանգ են ստանում անգործ թվացող նախկին իշխանություններից, և հստակ է, որ Գլխավոր դատախազը և դատավորները շփոթմունքի մեջ են:
«Այն, որ Սեֆիլյանին և նրա ընկերներին չեն ներկայացրել դատարան, մարդու իրավունքների խախտում է: Դրանով խոշտանգում են մարդկաց թե՛ հոգեբանական, թե՛ այլ առումներով: Պետք է հասկական, որ քմահաճույքով չպետք է վարվեն քաղբանտարկյալների կամ ընդհանրապես բանտարկյալների հարցին: Այս մտածելակերպին վերջ պիտի դնեն»,- նշեց Սեֆիլյանը և կարծիք հայտնեց,որ հնարավոր է՝ Ռուսաստանը ևս միջամտում է այս հարցում և խոչընդոտում:
Սեֆիլյանն նշեց, որ այսօրվա իշխանությանը պետք է օգնել և տեր կանգել այս շարժմանը: Նա նաև ընդգծեց, ոչ հակահեղափոխության ողնաշարը կոտրելու միակ տարբերակը քաղբանտարկյալներին ազատ արձակելն է:
Մանրամասները՝ տեսանյութում: