Նելսոն Մանդելայի դագաղը տեղափոխող սգո ավտոշարասյունը երեք օր կշրջի Հարավաֆրիկյան Հանրապետության մայրաքաղաքի փողոցներով, որպեսզի բոլոր բնակիչները կարողանան հրաժեշտ տալ նախկին նախագահին՝ հաղորդում է Agence France-Presse-ը:
ՀԱՀ-ի տեղեկատվության և կապի պետական ծառայության մամլո քարտուղար Նեո Մոմոդուի խոսքերով՝ ավտոշարասյունը Պրետորիայի փողոցներով կշարժվի չորեքշաբթի, հինգշաբթի, ուրբաթ, և բոլոր բնակիչները կկարողանան հրաժեշտ տալ նախկին նախագահին:
Ապարտեիդի ռեժիմի դեմ պայքարի համաշխարհային հայտնի առաջնորդ Մանդելայի պետական հուղարկավորությունը տեղի կունենա դեկտեմբերի 15-ին նրա ծննդավայրում՝ Կունու գյուղում: Հոգեհանգստի արարողությունը տեղի կունենա դեկտեմբերի 10-ին Յոհանեսբուրգի ֆուտբոլային մարզադաշտում: