Ամերիկայի Միացյալ Նահանգները Վենեսուելայի վրայից կհանեն պատժամիջոցներն այն դեպքում, եթե «դեմոկրատիան երկիր վերադառնա»։ Այս մասին իր «Twitter»-ում գրել է ԱՄՆ փոխնախագահ Մայք Փենսը։
Ավելի վաղ ԱՄՆ նախագահ Դոնալդ Թրամփը Սպիտակ տանն ընդունել էր վենեսուելական բանտից ազատված ամերիկացի Ջոշուա Հոլթին։
Շատ ուրախ եմ, որ Ջոշ Հոլթը հիմա իր ընտանիքի հետ տուն է վերադառնում, այնտեղ, որտեղ բոլորն իրեն սպասում են։ Մենք կշարունակենք պատժամիջոցներով ճնշում գործադրել, քանի դեռ դեմոկրատիան Վենեսուելա չի վերադարձել,– ասել է Փենսը։
Նաև հայտնի է դարձել, որ Նահանգները երկրից Վենեսուելայի երկու դիվանագետների են արտաքսում։
