Անջելինա Ջոլին կարող է կորցնել երեխաներից մեկին: Նրա ավագ որդին՝ Մեդոքսը, որոշել է լքել աստղային տունն ու տեղափոխվել հոր՝ Բրեդ Փիթի մոտ:
Այն բանից հետո, երբ Ջոլին և Փիթը որոշեցին բաժանվել, աստղային զույգի 6 երեխաները մնացին դերասանուհու մոտ: Աստղը ցուցադրել է ընտանեկան իդիլիան համատեղ զբոսանքներով, սակայն հայտնի է դարձել, որ Ջոլիի ընտանիքում ամեն ինչ այնպես չէ, ինչպես ցույց է տրվում լուսանկարներում: Նրա ավագ որդին՝ 16-ամյա Մեդոքսը, որին նա որդեգրել է Կամբոջայում, դիմել է Բրեդ Փիթին՝ խնդրելով իրեն վերցնել մորից:
Ըստ աղբյուրների՝ տղան այլևս չի կարողանում ապրել Անջելինա Ջոլիի հետ: Դրա պատճառը դարձել է Ջոլիի ուղևորությունը Կամբոջա, որտեղ նա այցելել Կարմիր կխմերների առաջնորդ Պոլ Պոտի գերեզման, որը մեղավոր է տասնյակ հազարավոր մարդկանց մահվան մեջ: Նա աղոթել է արյունալի բռնապետի գերեզմանի մոտ, ինչը զայրացրել է նրա ավագ որդուն:
Ոչ պաշտոնական տեղեկատվությամբ՝ տղան զանգահարել է հորը՝ Բրեդ Փիթին, և աղերսել վերցնել իրեն Անջելինա Ջոլիի մոտից:
«Բրեդը փորձել է հանգստացնել նրան՝ ասելով, որ Էնջին հետաքրքրվում է այն երկրի պատմությամբ, որտեղ նա որդեգրել է Մեդոքսին: Հայրը նաև բացատրել է, որ նա պետք է զգույշ լինի և դիմանա, մինչև զույգի իրավաբանները համաձայնեցնեն բոլոր երեխաների խնամակալության հարցերը»,- հավելել է տեղեկատվական հրատարակչությունը:
