«Սա շատ հետաքրքրական, ճակատագրական անկյունադարձ է, և ժամանակը ցույց կտա, թե մեր երիտասարդ ղեկավարները որքան լավ կկարողանան առկա մարտահրավերներին դիմակայել և լուծել։ Դժվար խնդիր է»,- «Առաջին լրատվական»-ի հետ զրույցում ասաց պրոֆեսոր, ամերիկաբնակ հայ պատմաբան Ռիչարդ Հովհաննիսյանը՝ անդրադառնալով Հայաստանում տեղի ունեցող փոփոխություններին։
Պատմաբանի կարծիքով՝ այս շաժումը մի քանի տարի առաջ չէր կարող հաջողել, քանի որ կկիրառեին բիրտ ուժ, հավանաբար կլիներ արյունահեղություն, բայց հինգ տարի անց մեջտեղ է եկել հետսովետական սերունդ, որ կարող է բավարարել ամբողջ երկրի ակնկալիքները: «Կան շատ մեծ դժվարություններ մեր առաջ, բայց հույս ունենք, որ պետք է կարողանանք օգտագործել և շահագործել մեր համահայկական կարողականությունը և կենտրոնացնենք, որպեսզի այս երկիրը զարգացած երկիր դառնա»,- հավելեց նա։
Ամբողջությամբ՝ տեսանյութում։