Թուրքմենստանի նախագահ Գուրբանգուլի Բերդիմուհամեդովը ստորագրել է հրամանագիր 630 դատապարտյալների համաներման մասին՝ ի պատիվ Չեզոքության օրվա, որը կնշվի դեկտեմբերի 12-ին: Այս մասին հաղորդում է Trend-ը՝ վկայակոչելով երկրի կառավարությանը:
Պետության ղեկավարի այս կարգադրության համաձայն՝ համաներման արժանացածներն ազատվում են ինչպես հիմնական, այնպես էլ հավելյալ պատժից, այն է՝ որոշակի տեղանքում բնակվելու պարտավորությունից:
«Նման ակցիաները այդ մարդկանց հնարավորություն են տալիս գիտակցել իրենց մեղքը և կանգնել ուղղման ճանապարհին՝ մեղքը քավելով ազնիվ աշխատանքով: Տեղի վարչակազմի ղեկավարներին հանձնարարվել է ձեռնարկել միջոցներ՝ համաներման արժանացած քաղաքացիներին աշխատանքի տեղավորելու համար»,- ասվում է տեղեկության մեջ:
