Դամասկոսն Անկարայի հետ հարաբերությունների կարգավորման հույս ունի, սակայն «դրա համար թուրքական իշխանությունները պետք է դադարեցնեն Սիրիայում ահաբեկիչներին աջակցելն ու դուրս բերեն զորքը երկրի տարածքից»։ Այդ մասին «ՌԻԱ Նովոստի»-ին տված հարցազրույցում ասել է Սիրիայի փոխարտգործնախարար Ֆեյսալ Միկդադը։
Սիրիացի դիվանագետը վստահ է՝ երկու երկրների հարաբերությունների վատթարացման պատճառը Թուրքիայի նախագահ Ռեջեփ Թայիփ Էրդողանն է, նրա՝ «քաղաքական հավակնությունները, կայսրության մասին երազանքը»։
«Նա չի մտածում Սիրիայում զինված խմբավորումներին աջակցելու հետևանքների մասին։ Նա ոչնչացրեց հարևան պետությունը, և Թուրքիայի կողմից Աֆրինի բռնազավթումը դրա վառ օրինակն է»,- ասել է Միկդադը։
