Եվրամիության արտաքին քաղաքականության և անվտանգության հարցերով գերագույն հանձնակատար Քեթրին Էշթոնը հեռախոսազրույց է ունեցել Իրանի արտգործնախարար Մուհամադ Ջավադ Զարիֆի հետ: Այս մասին հաղորդում է Իրանի IRINN պետական հեռուստաալիքը:
Հաղորդագրության համաձայն՝ հեռախոսազրույցը տեղի է ունեցել Իրանի արտգործնախարարի Արաբական Միացյալ Էմիրություններ այցի ժամանակ:
Հեռուստաալիքի փոխանցմամբ՝ հեռախոսազրույցի ընթացքում եվրոպական դիվանագիտության ղեկավարն ընդգծել է, որ «վեցյակի» երկրները պարտավորվում են կատարել Ժնևի համաձայնագրի բոլոր կետերը: Նա նաև հույս է հայտնել, որ կողմերի միջև բանակցությունները կշարունակվեն: