Տհաճ դեպք է տեղի ունեցել Կամբոջայում. ամուսնական զույգը հազվագյուտ կենդանիներ է կերել և այդ ամբողջ ընթացքը տեսանկարել:
Միջադեպով հետաքրքրվել է Կամբոջայի շրջակա միջավայրի նախարարությունը: Ամուսինների նկատմամբ քրեական գործ է հարուցվել;
Հաղորդվում է, որ ամուսինները տեսանկարել են, թե ինչպես են կտրատում, պատրաստում և ուտում Կարմիր գրքի մեջ ներառված թռչուններին ու մողեսներին: Նրանք նաև կերել են անհետացող ձկնատեսակներ և կոբրա, շնաձուկ և գորտեր են համտեսել,- հաղորդում է The Sun պարբերականը:
Հետաքննության ընթացքում ամուսինները պատմել են, որ հազվագյուտ կենդանիներին տեղի շուկայում են գնել: Իսկ դրանց կերել և նկարահանել են, որպեսզի YouTube-ում հրապարակվող տեսանյութերով գումար աշխատեն: Այսպես, նրանք 2017 թվականի դեկտեմբերից մոտ 500 դոլար են աշխատել՝ իրենց բարբարոսական տեսանյութերին կցված գովազդի համար:
