Տրանսպորտի գերծանրաբեռնված ժամերին մարդիկ ստիպված են սեղմված մետրոյով աշխատանքի գնալ կամ տուն վերադառնալ: Վերջերս Սինգապուրի բնակչուհին մտածել է, թե ինչպես կարելի է խուսափել անձնական տարածք այդքան տհաճ ներխուժումից:
Ինչպես հաղորդում է բրիտանական Daily Mail տաբլոիդը, ապագա դիզայներ Սյու Մինգ Չենգը միանգամից հասկացել է, թե ինչպիսի աքսեսուար է հարկավոր մետրոյի ուղևորին: Աղջիկը հագուստի համար նորաձև լրացում է մշակել, որով կարելի է վախեցնել մյուս ուղևորներին:
Նրա հայտնագործությունն իրենից ներկայացնում է ճկուն փշերով պլաստիկ ժիլետ, որն ուղևորը հագնում է մետրո մտնելուց առաջ: Դիզայները նշել է, որ չնայած վախեցնող տեսքին՝ ժիլետը իրենից վտանգ չի ներկայացնում, քանի որ ամբողջովին ճկուն պլաստիկից է պատրաստված:
Ժիլետը համացանցում այնքան երկրպագուներ է գտել, որ դիզայներն այժմ մտածում է դրա արտադրության մասին:
