Պատժամիջոցները, որոնք Իրանի դեմ պատրաստել է ԱՄՆ-ն, կարող են վնասել ոչ միայն երկրի տնտեսությանը, այլև հեղինակությանը, որի տարածքում ՅՈՒՆԵՍԿՕ-ի ցանկի 22 տեսարժան վայր կա։ Տեղի զբոսաշրջային գործակալություններն արդեն տագնապ են բարձրացնում՝ հաշվելով, թե նոր տարում քանի զբոսաշրջիկ կկորցնեն։
«Դա կարող է հոգեբանական ազդեցություն ունենալ։ Եթե Իրանը կրկին հայտնվի լուրերում, մարդիկ կկասկածեն՝ արդյո՞ք արժե գնալ»,- The Guardian-ին տված հարցազրույցում ասել է էքսկուրսավար Ալի Շեյբանին։
Նրա խոսքով՝ մյուս խնդիրն այն է, որ իրանական խոշոր զբոսաշրջային գործակալությունների համար դժվար կլինի համագործակցել եվրոպական ընկերությունների հետ։
Շեյբանին նշել է, որ ամերիկացի զբոսաշրջիկները, որոնք ամենայն հավանականությամբ կանհետանան Իրանից, Իսլամական Հանրապետությունում զբոսաշրջիկների չնչին մասն են կազմում։ Շատ են սուրբ վայրեր գնացող ուխտավորները։
