«Առաջին լրատվական»-ի տեղեկություններով՝ «Ծառուկյան» խմբակցության ղեկավար Գագիկ Ծառուկյանը, ով առաջարկել էր ԱԺ փոխխոսնակ Միքայել Մելքումյանին առաջադրել փոխվարչապետի պաշտոնում, փոխել է որոշումը է և ըստ տեղեկությունների՝ Մելքումյանը կշարունակի մնալ ԱԺ-ում փոխխոսնակի պաշտոնին:
Մեր ունեցած հավաստի տեղեկություններով՝ Ծառուկյանը փոխվարչապետի պաշտոնում առաջարկել է նշանակել «Արդշինինվեստբանկ» ՓԲԸ Վարչության նախագահ Մհեր Գրիգորյանին:
Հայտնի է նաև «Ծառուկյան» դաշինքին բաժին ընկնող պորտֆելների «բաժնեմասը»․
ՀՀ կապի, տրանսպորտի և ՏՏ նախարարի պաշտոնում կնշանակեն Աշոտ Հակոբյանին: ՀՀ արտակարգ իրավիճակների նախարարի պաշտոնում առաջարկվել է նշանակել ՀՀ սպորտի և երիտասարդության հարցերի նախկին նախարար Հրաչյա Ռոստոմյանին, ՀՀ էներգետիկայի նախարարի պաշտոնը կզբաղեցնի ՀՀ աշխատանքի և սոցիալական հարցերի նախկին նախարար Արթուր Գրիգորյանը: ՀՀ սպորտի և երիտասարդության հարցերի նախարար կնշանակվի Սպորտի նախարարության մասսայական սպորտի և ֆիզիկական դաստիարակության վարչության պետի ժամանակավոր պաշտոնակատար Լևոն Վահրադյանը: