Ռիչարդ Մեյսոնը, ով զբաղվում է շինարարությամբ Լինդիսֆարն կղզում (հայտնի է նաև Սուրբ կղզի անունով, տեղակայված է Անգլիայի հյուսիս-արևելքում) հայտնաբերել է մետաղադրամներով սափոր: Ինչպես հաղորդում է The Mail Online-ը, տղամարդը սկզբում նշանակություն չի տվել գտածոյին և այն դրել է բեռնատարի թափքում:
Շուրջ ութ տարի սափորը մնացել է նրա հոր տան նկուղում: Մեյսոնը, երկրորդ անգամ գտնելով սափորը, որոշել է այն ավելի ուշադիր ուսումնասիրել: Երբ նա շրջել է տվել սափորը, դրա միջից թափվել են արծաթե և ոսկե մետաղադրամներ, այդ թվում Կլիմենտ 7-րդ պապի պատկերով հազվագյուտ մետաղադրամը:
Ընդհանուր առմամբ սափորում եղել են 10 ոսկե և 7 արծաթե մետաղադրամներ, որոնք թողարկվել են 1440-1560 թթ.: Թղթադրամները կարժենան տասնյակ հազարավոր դոլարներ, դրանց հստակ արժեքը հնարավոր չէ որոշել հազվագյուտ լինելու պատճառով:
