Հուրախություն Բենեդիկտ Քամբերբետչի երկրպագուների՝ BBC հեռուստաալիքը հաստատել է հանրահայտ «Շերլոկ» սերիալի հերթական սերիաների թողարկման ամսաթիվը՝ հայտնում է spletnik.ru-ն:
Համաշխարհային պրեմիերան նշանակված է Նոր տարվա առաջին օրը՝ 1.01.2014: Ամերիկայում պրեմիերան կանցկացվի հունվարի 19-ին:
Երեկ Լոնդոնի փողոցներով անցել է դիակառք՝ նոր սեզոնի թողարկման ամսաթվով ու «Շերլոկը ողջ է» մակագրությամբ: Այսպիսի փոխադրամիջոցի ընտրությունը բացատրելի է. սեզոնի առաջին սերիան կոչվում է The Empty Hearse («Դատարկ դիակառաքը»):
«Շերլոկ»-ն առաջին անգամ էկրան է բարձրացել 2010-ին, նոր սեզոնը կլինի թվով երրորդը:
Մարտին Ֆրիմենն ու Բենեդիկտ Քամբերբետչը՝ «Շերլոկ» սերիալում:
