Թուրքիան կօգնի Վրաստանին արդիականացնել Մարնեուլիի օդանավակայանը։ Այս նպատակով Թուրքիայի կառավարությունը Վրաստանին 5,5 միլիոն թուրքական լիր է հատկացրել։ Նույն նպատակով ծախսվելու է նաև նախորդ տարիներին հատկացված, բայց դեռևս չիրացված 3,88 միլիոն դոլարը։
Արդեն հայտնի է որ 5,5 միլիոնից 1 միլիոնը ծախսվելու է Մարնեուլիի օդանավակայանի արդիականացման վրա, մնացած 4,5 միլիոն թուրքական լիրը, ինչպես նաև 3,88 միլիոն դոլարը պետք է ներդրվեն ռազմական ճարտարագիտական դպրոցի ստեղծման համար, սակայն որոշակի պայմաններով։ Պայմանագրում նշված է, որ Վրաստանը կարող է ապրանքները ձեռք բերել միայն Թուրքիայում գործող ընկերություններից։
