ԱՄՆ-ի Էլկհարթ քաղաքի Pizza Hut-ի մենեջերին աշխատանքից ազատել են այն պատճառով, որ նա աշխատակիցներին թույլ է տվել չաշխատել ազգային տոնի՝ Գոհաբանության օրը: Այս մասին հայտնում է ITAR-TASS-ը:
Ինչպես գրել են տեղի ԶԼՄ-ները, 2 շաբաթ առաջ 28-ամյա Թոնի Ռորն իմացել է, որ ֆրանշիզի սեփականատերը, որի ներքո է աշխատում իր խորտկարանը, հրաման է արձակել, որ այս տարի այն բաց լինի տոնին: Ռորը հրաժարվել է կատարել նրա պահանջը, ինչից հետո աշխատանքից հեռացվել է:
Ի պատասխան՝ մենեջերը նամակ է գրել Pizza Hut-ի ղեկավարությանը՝ բացատրելով, որ ընկերությունը պետք է ավելի շատ մտածի իր աշխատակիցների մասին:
Մենեջերին աշխատանքից հեռացնելու լուրը վրդովեցրել է բազմաթիվ ամերիկացիների: Pizza Hut-ը հայտարարել է, որ հարգում է իր աշխատակիցների իրավունքը՝ չաշխատել տոնական օրերին, ու նրան առաջարկել է վերադառնալ աշխատանքի: Մենեջերը դեռ չի որոշել՝ արդյոք կվերադառնա՞ նախկին աշխատանքին, թե՞ ոչ:
