Տղամարդիկ գողացել են մահացածների մարմինները և վաճառել դիակիզարաններին

Չինաստանում 5 տղամարդ գողացել են մահացածների մարմինները և վաճառել դիակիզման համար։ Նրանք ձերբակալվել են։

Դիակիզման համար մարմինների «առք ու վաճառքը» կապված է ավանդական հուղարկավորություն կազմակերպելու իշխանությունների արգելքի հետ։ Օրենիք համաձայն՝ հանգուցյալները պետք է դիակզիվեն, իսկ հարազատները պետք է ներկայացնեն դիակիզման վկայականը։

Սակայն շատերը ցանկանում են հարազատների համար ավանդական հուղարկավորություն կազմակերպել։ Այդ պատճառով Չինաստանում դիմում են «մարմիններ վաճառողների» ծառայություններին։ Մարդիկ գնում են օտար մարդկանց մարմիններ, դիակիզում, իսկ իրենց հարազատներին հողում հուղարկավորում։

Դատապարտյալներից Լյու Չանլինը ավելի քան 10 տարի այս «բիզնեսով» է զբաղվում։

2017-ի փետրվարին նա հարևան գյուղում գողացել է 80-ամյա տղամարդու մարմինը և վաճառել։ Մեկ շաբաթ անց Լյուն և նրա հանցակիցները ևս երկու մարմին են գողացել՝ շուրջ 2000 դոլար «վաստակելով»։

Հանցագործությունը բացահայտել է դիակիզարանի աշխատակիցը, որը հայտնաբերել է, որ դիակիզվող մարդու սեռը չի համընկնում փաստաթղթերում նշվածի հետ։