Փոխադրողների միության նախագահ Հրանտ Եղիազարյանն այսօր լրագրողների հետ հանդիպմանը կրկին զգուշացրեց, որ փոխադրող ընկերությունները պատրաստ չեն ձմեռվան. «Քաղաքապետարանը չի արձագանքում մեր նամակներին, անգամ բաց նամակ էինք գրել, որ սահմանենք ուղեվարձ, որովհետև այս ուղեվարձով աշխատելը նշանակում է մահ տրանսպորտային ընկերություններին: Ըստ մեր զգացողության՝ քաղաքապետարանն ուղեվարձը չի ցանկանում բարձրացնել»:
Նրա հավաստմամբ՝ իրենք չեն ուզում օրենսդրական դաշտից դուրս գալ և քաղաքացիների աչքին թշնամի լինել, բայց կապրոնի անվադողերով չեն կարող ձյան վրա քշել և մարդասպան դառնալ:
Այն հարցին, թե ուղեվարձը չբարձրացնելու դեպքում գործադո՞ւլ են անելու, բանախոսը պատասխանեց, որ դա շատ կոպիտ է ասված, իրենք դուրս են գալու աշխատանքի, բայց ուղևոր չեն փոխադրելու:
Նրա փոխանցմամբ՝ մեկ ավտոբուսը ձվեռվան պատրաստելու համար անհրաժեշտ է 580 հազար դրամ, իսկ այդ գումարն իրենք չունեն, քանի որ ամբողջությամբ թաղված են վարկերի մեջ. «Բերեք այն մարդկանց, ովքեր ասում են, որ 100 դրամով հնարավոր է երթևեկել, քննարկում կազմակերպենք»:
Լուսանկարը` PanARMENIAN Photo-ի
