Բրազիլիայի Պերնամբուկու նահանգում տղամարդը զրկվել է ոտքից՝ շնաձկան հարձակումից հետո։ Այս մասին հաղորդում է Daily Mirror-ը։
34-ամյա բրազիլացին ընտանիքով հանգստացել է Պյեդադե հայտնի ծովափին։ Ձուկը հարձակվել է նրա վրա ջրի մեջ. սկզբում շնաձուկը բռնել է տղամարդու ոտքը, իսկ հետո, երբ նա փորձել է ազատվել, բռնել է նրա ձեռքերից։
Դե Մելային երկու տղամարդ են փրկել, ովքեր լողալիս են եղել մոտակայքում։ Դեպքի վայր հասած փրկարարները նրան առաջին օգնություն են ցուցաբերել, ինչից հետո ուղղաթիռով հիվանդանոց են հասցրել։ Տղամարդուն չորս ժամ վիրահատել են։ Աջ ոտքն այնքան է վնասված եղել, որ ստիպված են եղել այն անդամահատել։
