«Ամենամտահոգիչն այն է, որ հրապարակում երիտասարդներ են, իսկ երիտասարդները մշտապես մի քիչ ավելի տաք են լինում։ Աստված եմ կանչում, որ միջադեպեր չլինեն, որ մի կաթիլ արյուն չթափվի։ Դա խիստ կարևոր է մեր հասարակության համար, քանի որ յուրաքանչյուր նման միջադեպ նոր սթրես է ավելացնում մեր հասարակության համար, և մենք բարդույթավորված տարիներ շարունակ անցնում ենք, մինչև գալիս է նոր էպիզոդ»,- «Առաջին լրատվական»-ի հետ զրույցում ասաց ԱԺ «Ծառուկյան» խմբակցության պատգամավոր Արարատ Զուրաբյանը՝ անդրադառնալով վերջին օրերի զարգացումներին։
Նրա խոսքով՝ անցումային փուլ է, հաջորդ ընտրություններին մեր հասարակությունը շատ ավելի զգոն պետք է լինի, չպետք է գայթակղվի այս կամ այն նեգատիվով, այլ իրոք հասկանա, որ երկրի ապագա կառավարման հնարավորությունը տալիս է այս կամ այն քաղաքական ուժին․ «Վերջին ընտրությունները նրանով էին առանձնանում, որ այստեղ լցոնում կամ այլ բռնություն չկար, այլ կար կաշառելու և գայթակղելու երևույթներ»։
Ամբողջությամբ՝ տեսանյութում։
