ՄԻԱՎ վարակակիրների շարքերը օրական համալրվում են մոտ 2500 երիտասարդով, ընդ որում՝ կանայք վարակվում են տղամարդկանցից եռակի ավելի: Այս մասին հայտնում են Առողջապահության համաշխարհային կազմակերպությունն (ԱՀԿ) ու ՅՈՒՆԻՍԵՖ-ը: Այս մասին տեղեկացնում է russian.rt.com-ը:
Միլիոնավոր երիտասարդներ ենթակա են ՄԻԱՎ-ով վարակման, որովհետև պետությունների իշխանությունները ի վիճակի չեն նրանց ապահովել բժշկական ծառայությունների անհրաժեշտ մակարդակով:
ԱՀԿ-ում հայտարարում են, որ ՁԻԱՀ-ից մահացությունների թվաքանակի աճը առաջին հերթին կապված է պետությունների անկարողության հետ, որը ի վիճակի չէ աճող սերնդի համար ապահովել բժշկական պատշաճ սպասարկում, իսկ դեռահասների համար՝ անալիզների հանձնման ու բժշկական խորհրդատվության ծառայություններ:
ՁԻԱՀ-ից մահացության բարձր ցուցանիշի մեկ այլ պատճառն այն է, որ շատ երեխաներ, որոնք ծնվել են ՄԻԱՎ դրականով, կյանքի առաջին ժամերին չեն ստացել հակառետրովիրուսային թերապիա, ու անգամ եթե ստացել են, նրանց չի ցուցաբերվել անհրաժեշտ բժշկական խնամք, սակայն նրանք կարողացել են այդ ախտորոշմամբ ապրել մինչև դեռահասության տարիքը:
Կազմակերպությունները պետություններին կոչ են անում ուժեղացնել հսկողությունը հիվանդության կանխարգելման ու տարածման դեմ:
Աֆրիկայում՝ Հարավային Սահարայում կատարած ուսումնասիրությունները վկայում են, որ միայն երիտասարդ տղամարդանց 10%-ը ու 15-24 տարեկան կանանց 15%-ն է հստակ իմացել իրենց՝ ՄԻԱՎ-ՁԻԱՀ-ով վարակվածության մասին:
