«Իմ քայլը» նախաձեռնությունը շարժվում է դեպի Ազատության հրապարակ:
«Մենք մեր պայքարի ընկերներով միացել ենք Նիկոլ Փաշինյանի գլխավորած «Իմ քայլը» շարժմանը ու շատ լավ հասկանում ենք, որ դուրս ենք եկել մի իշխանության դեմ, որը պատրաստ է սեփական իշխանությունը պահպանելու համար գնդակահարել սեփական երկրի քաղաքացիներին. մենք դա տեսել ենք նաև Մարտի 1-ին»,- «Առաջին լրատվական»-ի հետ զրույցում ասաց քաղաքական ակտիվիստ Շահեն Հարությունյանը:
Նա վստահ է, որ այս անգամ ևս ոստիկանությունը կփորձի բռնություններ գործադրել, բերման ենթարկել. «Սակայն մենք անկոտրում ենք և պատրաստ ենք վճռականորեն մինչև վերջ վերջ տանք Հայաստանի ադրբեջանականացմանը: Մեր երկրի նախագահը սեփական ժողովրդի նկատմամբ վարում է ադրբեջանական քաղաքականություն»:
Անդրադառնալով տարածված կարծիքին, թե մեկ է՝ պայքարը ոչինչ չի տալու, և պայքարից հետո մարդկանց նկատմամբ ճնշումներ են սկսվելու, Շահեն Հարությունյանը նշեց. «Սա, իհարկե, չի արդարացնում չպայքարելը, բայց արդարացի կարծիք է, որովհետև հիմնականում պայքարը հենց կեսից կամ վճռորոշ փուլում ընդհատվում է, և արդեն սկսվում է, այսպես ասած, վհուկների որս»:
Մանրամասները՝ տեսանյութում:
