ԱՄՆ-ն կարող է հարվածել Սիրիայի 8 օբյեկտի։ Այս մասին հաղորդում է CNBC հեռտուստաալիքը՝ վկայակոչելով աղբյուրին։ Նրա խոսքով՝ հնարավոր թիրախների ցուցակում են երկու ռազմական օդանավակայան, հետազոտական կենտրոն և քիմիական զենքի արտադրության հետ կապված ձեռնարկություն։
Հեռուստաալիքի զրուցակիցը չի հստակեցրել, թե կոնկրետ որտեղ են գտնվում այդ օբյեկտները։ Նա հավելել է, որ Սիրիայի կառավարական բանակը իր ռազմաօդային ուժերի զգալի մասը տեղակայել է ռուսական օդանավակայաններում «հույս ունենալով, որ Վաշինգտոնը դրանց հարվածել չի ցանկանա»։
Սիրիայում իրավիճակը սրվել է ապրիլի 7-ին՝ Դումա քաղաքում քիմիական հարձակումից հետո, որի հետևանքով առնվազն 70 մարդ է զոհվել։
