Նյու Յորքում չեղյալ են հայտարարել Սանտա Կլաուսների ավանդական երթը, որի արդյունքում պետք է միջոցներ հավաքվեին բարեգործական նպատակներով: Այս մասին Associated Press-ի հետ զրույցում հայտնել է կամավորական կազմակերպության փոխնախագահ Ռեյչել Վայնշտեյնը:
Վայնշտեյնի խոսքով՝մայթերով քայլող Սանտա Կլաուսները խոստովանել են, որ իրենց երթը որպես դրամահավաքի միջոց անարդյունավետ է: Վերջին տարիներին ավելի ու ավելի է դժվարացել ձմեռային կամավոր «հրաշագործներ» գտնելը, իսկ նրանց աշխատանքը տպավորիչ արդյունքներ չի ապահովել:
Կամավորական կազմակերպությունը գումար կհավաքի առցանց ռեժիմով: Թե որքան գումար են մտադիր բարեգործները հավաքել 2013-ին՝ չի հաղորդվում:
Բարեգործական նպատակներով Սանտա Կլաուսների երթը Նյու Յորքում բազմամյա պատմություն ունի: Միջոցառման պատմությունը սկսվում է 20-րդ դարի առաջին կեսից:
