Եվրոպացի բարձրաստիճան անանուն աղբյուրը հայտարարել է, որ Ուկրաինայի և ԵՄ-ի միջև «հազիվ թե ստորագրվի» Ասոցացման համաձայնագիր Վիլնյուսի գագաթնաժողովում, սակայն այն ստորագրելու հնարավորություն կա գագաթնաժողովից հետո մոտակա ժամանակներում՝ հաղորդում է UNIAN-ը:
«Ստորագրում հազիվ թե լինի, սակայն դռները բաց են մնում: Եթե Ուկրաինան որոշի ապագայում առաջ շարժվել, ապա Ասոցացման համաձայնագիրը սեղանին է»,- ասել է նա:
Գործակալության զրուցակիցը նշել է, որ դադար վերցնելու Ուկրաինայի կառավարության որոշումը հազիվ թե վերանայվի մինչև շաբաթվա վերջ, սակայն համաձայնագիրը կարող է ստորագրվել ցանկացած պահի:
Նրա խոսքերով՝ այդպիսի համաձայնագրերը ստորագրվում են ոչ միայն գագաթնաժողովներում:
«Դա կարելի է անել մի քանի օր, շաբաթ, ամիս ավելի ուշ: Դա դեռևս քննարկումների վերջը չէ: Մարդիկ կցանկանային նախագահ Յանուկովիչից լսել, թե նա ի՞նչ ի նկատի ունի, ե՞րբ պատրաստ կլինի ստորագրել. այս ամենը կցանկանային նրանից լսել»,- հավելել է դիվանագետը:
