Այսօր առավոտյան ոսկու գինը սկսել է աճել՝ որպես առավել հուսալի ակտիվ ԱՄՆ-ի և Չինաստանի միջև առևտրային հարաբերությունների լարվածության ֆոնին։ Այս մասին վկայում են վաճառքի տվյալները։
Նյու Յորքի Comex բորսայում ոսկու հունիսյան ֆյուչերսների գինն ավելացել է 2․2 դոլարով կամ 0․17 տոկոսով․ մեկ ունիցան հասել է 1330․7 դոլարի։
Արծաթի մայիսյան ֆյուչերսների արժեքը նվազել է 0․24 տոկոսով՝ մեկ ունցիայի դիմաց 16․32 դոլար կազմելով։
Այսպիսի շրջադարձ տեղի ունեցավ այն բանից հետո, երբ ԱՄՆ նախագահ Դոնալդ Թրամփը երկրի առևտրի ներկայացուցչին հանձնարարեց ուսումնասիրել չինական ապրանքների մաքսատուրքը 100 մլրդ դոլարով բարձրացնելու հնարավորությունները։ Ապրիլի սկզբին ԱՄՆ-ն չինական ապրանքների մաքսատուրքը 50 մլրդ դոլարով բարձրացնելու որոշում կայացրեց։
