Բարբարոսները բելգիական Ֆլանդրիայի Գենկ քաղաքում երեք թուրքական մզկիթ են պղծել: Այս մասին հայտնում է RIA Novosti-ն՝ հղում անելով տեղի ԶԼՄ-ներին:
Չարագործները մզկիթների պատերին նացիստական նշաններ ու խոզի գլուխներ են պատկերել, ինչպես նաև ռասիստական կարգախոսներ գրել: Շնորհիվ հարևանությամբ գտնվող տներում տեղակայված տեսահսկման խցիկների՝ ոստիկանությունը պարզել է երկու կասկածյալների ինքնությունն ու ձերբակալել նրանց:
Բելգիայի մուսուլմանների գործադիր կոմիտեն կոշտ քննադատության է ենթարկել «ռասիզմի, իսլամաֆոբիայի և վանդալիզմի զզվելի գործողությունները», մուսուլման բնակչությանը զսպվածության և սադրանքներին չենթարկելու, բողոքը օրինական ու խաղաղ կերպով արտահայտելու կոչ է արել:
11 մլն բնակչություն ունեցող Բելգիայում հաշվվում է ավելի քան 600 հազար մուսուլման: Երկրում գրանցված են մոտ 330 գործող մզկիթներ:
