38-ամյա բուժքույր Շիվոն Պերեսը՝ Ֆլորիդայից, մեղադրվում է իր նախկին ընկերոջ՝ Բրեդլի Ատկինսի նկատմամբ մահափորձի մեջ, ում վրա նա բենզին է լցրել և վառել է,- հաղորդում է Daily Mail-ը:
Շիվոն Պերեսն ու Բրեդլի Ատկինսը բաժանվել են մարտի վերջերին, սակայն մեկ շաբաթ անց կինը կանչել է իր նախկին ընկերոջը՝ Զատկի ընթրիքին: Բացի այդ, Շիվոնը բողոքել է լոգարանում խողովակի անսարքությունից և տղամարդը որոշել է օգնել: Մինչ Բրեդլին խողովակով է զբաղված եղել, նախկին սիրուհին նրա վրա բենզին է լցրել, իսկ հետո վառել է՝ «Դու ամեն ինչի համար պատասխան կտաս» խոսքերով:
Տղամարդը ոստիկանությունում պատմել է, որ մինչ ինքը փորձել է իր վրայից հանել վառվող հագուստը, իր նախկին սիրուհին ժամանակ չի կորցրել. նա սկսել է փակել դռները, որպեսզի Բրեդլին չկարողանա փախչել: Բարեբախտաբար նրան հաջողվել է դուրս պրծնել Շիվոնի տնից: Երեսի, վզի, կրծքի և ձեռքերի այրվածքներով տղամարդուն հիվանդանոց են տեղափոխել:
Շիվոնն ինքն էլ է վնասվել իր կազմակերպած հրդեհի արդյունքում. փրկելով շանը, նա ծխահարվել է և հիմա հիվանդանոցում է գտնվում: Նրան մեղադրանք է առաջադրվել սպանության փորձի, հրկիզման և մարդկանց առևանգման համար:
