Ընդհանուր տպավորությունն այնպիսին է, որ մարդիկ վստահություն չունեն որևէ օղակի հանդեպ, այդ թվում՝ ոստիկանության, մարդու իրավունքների պաշտպանի։ Մարդիկ կասկածամտորեն են վերաբերում կամ պատասխանում հարցերին։ «Առաջին լրատվական»-ի այն հարցին, թե ինչ եք կարծում՝ որտեղ է դրա ակունքը, ՀՀ մարդու իրավունքների պաշտպան Արման Թաթոյանն ասաց․ «Մեր ուսումնասիրությունները վկայում են, որ մարդկանց վստահությունը մարդու իրավունքների պաշտպանի ինստիտուտի նկատմամբ գնալով աճում է։ Մենք այժմ ուշադրություն ենք դարձնում նաև անհատական գանգատներին, և վիճակագրական զուտ ցուցանիշները վկայում են, որ այս մեկուկես տարվա ընթացքում համեմատական տվյալները դրական առումով մոտ երեք անգամ աճել են»։
«Սխալ է համեմատել կառավարության նիստերն ավագանու նիստերի հետ։ Ավագանին կազմված է անմիջական ժողովրդի կողմից ընտրված մարդկանցից, և այդ իսկ պատճառով ավագանու նիստերը չեն կարող դռնփակ լինել»,- հավելեց Արման Թաթոյանը։
Ամբողջությամբ՝ տեսանյութում։
