Բրազիլական «Սան Պաուլու»-ի դարպասապահ Ռոջերիո Սենին գերազանցել է Պելեի՝ ակումբում անցկացրած խաղերի թվով սահմանած ռեկորդը: Այդ մասին տեղեկացնում է Elespectador.com-ը:
Պելեն «Սանթոս»-ի կազմում մասնակցել է 1116 հանդիպման: Կիրակի օրը «Բոտաֆոգո»-ի դեմ կայացած խաղը (1:1) Սենիի համար 1117-րդն էր «Սան Պաուլու»-ի կազմում:
«Ժամանակակից ֆուտբոլում հեշտ չէ մասնակցել 1000 խաղի: Ոչ բոլորին է դա հաջողվում՝ անկախ այն հանգամանքից՝ խաղում ես միևնույն ակումբի կազմում, թե ոչ: Սա պատմական պահ է»,- հայտարարել է 40-ամյա դարպասապահը:
Հավելենք, որ Սենին «Սան Պաուլու»-ի կազմում հանդես է գալիս 1992 թվականից:
