ԱՄՆ պետքարտուղար Հիլարի Քլինթոնը մեղադրել է Իրանի Իսլամական Հանրապետության ղեկավարությանը խաղաղ բնակչությանը ճնշելու գործում Սիրիայի իշխանություններին աջակցություն ցույց տալու մեջ: Այս մասին հաղորդում է Associated Press գործակալությունը: Քլինթոնը, սակայն, չի մանրամասնել, թե կոնկրետ ինչ աջակցություն է եղել Իրանի կողմից:
Քլինթոնի խոսքերով՝ Սիրիայում ներկայումս ստեղծված իրավիճակը համեմատելի է Իրանում երկու տարի առաջ տեղի ունեցած դեպքերի հետ. «Այն ժամանակ Իրանի իշխանություններին բռնությունների միջոցով հաջողվեց ճնշել բողոքի զանգվածային ակցիաները, որոնք սկսվել էին նախագահական ընտրությունների ամփոփումից հետո»,- հայտարարել է պետքարտուղարը:
Հիշեցնենք, որ Սիրիայում սկսված բախումներից հետո մամուլում տեղեկություններ հայտնվեցին, որ իրանցի զինվորականները ակտիվ մասնակցություն են ունենում խաղաղ ցույցերի ճնշման գործողություններին:
