Հունաստանի արտգործնախարարը պատասխանել է Անկարայի հայտարարությանը՝ կապված Էգեյան ծովում գտնվող կղզիների պատկանելիության հետ: Թուրքիայի ԱԳՆ ներկայացուցիչ Համի Աքսոյը հայտարարել է, որ Դոդեկանյան արշիպելագոնում գտնվող երկու կղզիները (Իմիա, Ռեդ) «պատկանում են Թուրքիային և այդ հարցը քննարկման ենթակա չէ»:
«Թուրքիան սխալվում է, եթե համարում է, որ կարող է առանց հետևանքների խախտել միջազգային իրավունքը, ինչպես անում է իր շրջակայքում գտնվող մյուս կետերում»,- ասվում է Հունաստանի ԱԳՆ-ի պաշտոնական հայտարարության մեջ:
«Իմիայի իրավական կարգավիճակն ամբողջովին հաստատված է, իսկ հունական ինքնիշխանությունը դրանց հանդեպ որոշարկված է և անվիճելի»,- գրված է փաստաթղթում:
Իմիա կղզիների պետական պատկանելիությունը վիճարկվում է Թուրքիայի կողմից: 1966 թվականին տարածքային վեճը հանգեցրեց երկրների միջև լարվածության: Նույն տարում Եվրոխորհրդարանը խնդիրը լուծեց ի օգուտ Հունաստանի, սակայն Անկարան այդ որոշումը միակողմանի և իրավական ուժից զուրկ համարեց:
