Երեկ երեկոյան Վրաստանի Գուրջանի շրջանի Կոլագի գյուղում մահափորձ է կատարվել Իլյա Մեկերիշվիլիի դեմ, ով նախորդ տարի մահացած տաս ամսական Վարվարա Ռաֆայելյանցի պապիկն է՝ հաղորդում է «Գրուզիա Օնլայն»-ը:
Անհայտ անձինք հարձակում են գործել տարեց մարդու վրա նրա բակում: Տղամարդը վնասվածքներ է ստացել գլխի հատվածում, որից հետո կորցրել է գիտակցությունը:
Մեկերիշվիլիի ընտանիքը միջադեպը կապում է Գուրջանիի պատգամավոր Գեորգի Գվինիաշվիլիի հայտարարության հետ, ըստ որի փոքրիկ Վարվարայի մահվան գործը բացահայտվել է, չնայած իշխանությունները լռում են այդ մասին:
Տուժածի հարազատները պնդում են, որ իրենց վրա ճնշում են գործադրում, և սա ահաբեկման առաջին դեպքը չէ: Հարուցվել է քրեական գործ, ընթանում է հետաքննություն: