Հանրությանը ծառայելու ճանապարհին ՄԱԿ-ի գլխավոր քարտուղար Պան Գի Մունը ոգեշնչվել է Ջոն Քենեդու հետ հանդիպումից, որը կայացել է Վաշինգտոնում 1962թ.: Այս մասին համաշխարհային կազմակերպության վարչական ղեկավարը խոստովանել է հոդվածում, որը հրապարակվել է USA Today-ում ուրբաթ՝ ԱՄՆ 35-րդ նախագահի մահվան 50-րդ տարելիցին:
Պան Գի Մունը Քենեդու հետ հանդիպել է ԱՄՆ կատարած այցի ժամանակ, որը կազմակերպել էր Կարմիր խաչի միջազգային կոմիտեն: Այդ ժամանակ Հարավային Կորեայի ապագա արտգործնախարարը և ՄԱԿ-ի 8-րդ գլխավոր քարտուղարը ավարտում էր դպրոցը և ներառված էր տարբեր երեխաների խմբի կազմում, որոնք մի քանի ամսով ԱՄՆ էին ուղարկվել:
«Նրա հետ հանդիպումը շատ շրջադարձային պահ էր ինձ համար: Խոսքերը, որոնք այդ օրը նա ասաց իմ մեջ արթնացրին դիվանագետ դառնալու և հասարակությանը ծառայելու ցանկություն»,- գրել է Պան Գի Մունը:
Նրա խոսքերով՝ նախագահ Քենեդին իրենց կոչ է անել ընկերություն անել, նույնիսկ եթե իրենց երկրները գտնվում են «երկաթե վարագույրի» տարբեր կողմերում: «Պետությունների սահմանները նշանակություն չունեն. հարցը կայանում է միայն նրանում՝ արդյոք մենք կարող ենք օգնության ձեռք մեկնել»,- հիշում է նա Քենեդու խոսքերը:
Նա նշել է, որ որպես ՄԱԿ-ի գլխավոր քարտուղար ինքը փորձում է ավելի լավ ծառայել ամբողջ աշխարհի մարդկանց, հանուն որոնց ընդունվել է կազմակերպության կանոնադրությունը:
Պան Գի Մունի խոսքերով՝ այժմ ամբողջ աշխարհում երիտասարդության հետ հանդիպմանը ինքը փորձում է նրանց հասցնել Քենեդու իրեն փոխանցած ուղերձը՝ «լինել ամբողջ աշխարհի քաղաքացի և սիրել քո երկիրը՝ ծառայելով ամբողջ մարդկությանը:»
